اسئله غبيه جدااااااا هتقول ايه؟؟؟؟؟

في اسئله بديهيه مالهاش اي لازمه في الدنيا
بنتعرض ليها كل يوم من كل الناس وبصراحه رخمه جدااااااااااا

يعني مثلا

أنت في أوضتك . على السرير وطافي النور ومتغطي ..
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
((أظن ده مش وضع الرقص !!! واضح ان انا هنام))

أنتم معزومين عند ناس ورحتو لبيتهم
وأول ما فتحولكوا الباب يقول ابنهم الصغير " انتوا جيتــواااااااااااااااا
((لا لسه))

أنت لابس هدومك و متأنتك و على سنجه عشره وريحة البارفان واصله لاخر الشارع . وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه
((لاء دانا لسه راجع!! ))

راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟
((لا العربيه واحشاني))

ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك
(هاه قاعد تذاكر؟)

(( تقوم رامي الكتاب و تقوله لااااااااء ))

ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟
((لاء طالبها اخنق على نفسي))

أو مثلا في العيد
المذيع: هههههه هههههههه هههههه نتعرف بيك
االمواطن: فلان الفلاني
المذيع: هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان؟ هههههه هههههه ههههههه
المواطن : أقولهم كل عام وأنتم بخير ..
((أكيد يعني مش هيقولهم البقاء لله))

المذيعه الرخمه : وياترى بقى هتعملوا
ايه العيد ده هتقضوه ازاي؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين
(( سبتيله ايه يقوله يارخمه ))

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!
((يعني اساسي الواد لسه ما طلعلوش عرق الخسه والندالة علشان يقول لأ))

كفايه كده بس بصراحه بقت حاجه تحرق الدم
يارب تعجبكوا

منقوول

ههههههههههههههههههههههههههههههههههههههههة شكرا ياسمسمة

ههههههههههههههههه

عسل يا سمسمه

وهى غبيه فعلا الاسئله بس اعتقد ان كلنا بنقولها

ههههههههه

اه بنقولها بس بنتنرفز لو حد سألها لنا

نورتوا الموضوع بمروركم يااميره ورشا

اسئله غبيه جدااااااا هتقول ايه؟؟؟؟؟ 129-10

جمييييييييييييييييييلة اوى يا اسماء
وفعلا بتنرفزنى جدا الاسئلة دى

سمسمة ....مسمعتيش اللى بيقول

ومن الذكاء ما قتل

اكيد كان يقصد اللى بيسألوا الاسئلة دى
بس اييييييييييييييييييه ...فى التمام

وعد مني ياسموره اني مش هبطل اسألك اسأله زي دي

نورتي ياسمر
مشكوره لمرورك ياساره

ههههههههههههههههههه
بجد الاسئلة دي مستفزة علي الاخر