سجل دخولك القسم باحدث نكته

السلام عليكــم ورحمـة الله وبركاتــه ،،

عايزين نجدد نشاطنا ونشاط القسم وكل اللي يدخل قسم الترفيه والفكاهه يقولنا اخدث نكته سمعها انهارده

يلا مين هايبدا

انا الى هبدا cheers

فيه مدرس يدرس في المرحلة الابتدائية سأل أحد الطلاب

طير بيتكلم وأول حرف منه الباء ؟

فرد عليه الطالب وبسرعة : الببغاء

فقال : ممتاز .. إسمك ايه؟

أحمد

سأله المدرس: أبوك

بيشتغل اية؟

رد الطالب :دكتور

فقال المدرس : شايفين ولاد الدكاترة ؟

راح المدرس سأل سؤال ثاني

حيوان بطيء وأول حرف

في اسمه السين ؟

فرد أحد الطلاب : سلحفاة

يرد المدرس : ممتاز .. اسمك إيه؟

فقال : وائل

سأله المدرس: أبوك بيشتغل ايه؟

رد الطالب: مهندس

فقال المدرس شايفين ولاد المهندسين ؟

بعدها سأل المدرس السؤال الثالث : طائر له جناحين وبيعوم على الميّه... ما هو ؟

فرد أحد الطلاب و بسرعة : تمساح

فيقول المدرس: شايفين الغبي ده؟

سأله المدرّس: أبوك يشتغل إيه ياغبي؟

رد الطالب : لواء أمن دول

رد المدرس : بص يا حبيبي هو التمساح بيطير بس مش كتير ولو شد حيله

حيطير أعلى

اللى بيخاف ميقراش

واحد راح يحلق عند حلاق وطلع الحلاق مجنون
المهم كان قاعد تحت ايده طبعا راح الحلاق سأله وهو ماسك فى ودنه :

ودنك دى
افتكره بيهزر فرد عليه قله : ههههههههههه طبعا ياعم

سأله الحلاق: عايزها

رد عليه (على اساس انه هزار): لأ ههههههههههه

فراح الحلاق قطعها ورماها فالشارع

فحاول يقوم يهرب منه بس معرفش وراح الحلاق سأله تانى : ودنك دى (وهو ماسك ودنه التانيه)

فالراجل رد عليه بكل رعب :
ايوة ايوة ودنى

فسأله الحلاق : وعيزها ولا...

فرد بسرعة قاله:

عيزها عيزها

فقطعها الحلاق وحطهاله فى ايده

عشان الشباب بيطل يهرج مع الحلاقين تانى

ههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههه
الأتنين أحلى نم بعض
بس أنا فرحان فى أبن لواء أمن الدوله
--------------------------------
طيب أسمعو دى
3 مساطيل بيحششو مع بعض
واحد فيهم جاب الساطور ودبح واحد فيهم وقطع رقبته وقعد يضحك جامد
راح التانى قاله بتضحك على أيه ده أنت قطعت رقبته
قاله أصل لما يفوق وميلاقيش دماغه هيزعل قوى

واحد قال لخطيبته لما أزمرك تنزلى بسرعه
قالت له ليه جبت عربيه
قالها لأ جبت زماره

مره واحد معدي علي غرفه كلها محششين

قالهم حرام عليكم

قالولو وعليكم الحرام

موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟قاله علمت على لا لطم صاحبه وقاله

روحت فى شربة ميه فسأله الموظف ايه الحل ؟قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه
وقاله احنا صلحناه لك اوعى تعمل كده تانى

سجل دخولك القسم باحدث نكته Egypt210

*.... اربعه صعايدة بيلعبو علي الطريق السريع اللي العربيه تخبطه مرتين يطلع بره.
سجل دخولك القسم باحدث نكته Egypt210

*.....مره واحد بخيل قوى خبط فى حيطه اتعور جامد اوى وقعد ينزف

شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا

سجل دخولك القسم باحدث نكته We7610

*....واحد باشا الزمن دار عليه وافتقر حب يشتغل اشتغل بتاع فجل وجرجير

وقف فى السوق وهو لابس الطربوش وبيقول فجل يا حوش جرجير يا كلاب

سجل دخولك القسم باحدث نكته 5510

ههههههههههههههههههههه
بجد حلوين يابو عمار نكتك وانتى كمان ياسماء
--------------------------------

واحد صعيدي كان مسافر

فلما وصل المطار لقاهم مركبين جهاز جديد

عبارة عن مرايا لما تقف قدامها تعرف عنك كل حاجة,

فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

لية الصعيدي الصغير أذكي من الصعيدي الكبير .؟؟؟؟؟

فكرو كدة؟؟؟

لأنة مابقالوش كتير صعيدي.

ياااااااااااااااااااااارب يعجبكوكم

هههههههههههههههههههههه

ايه النكت العسل دى؟؟؟

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
واحد سكران كان بيعاكس وحدة وحشةاوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوء بكرة وانتي

يارب تعجبكم

هههههههههههههههههههههههه
هههههههههههههههههههههههه
طيب أسمعو دول
فصل كله حولان بعيد عنكم

و كل واحد بيكتب في كشكول اللي جنبه

المدرسة قالتلهم اللي هايكتب في كشكوله هاديه شكولاتاية

واحد كتب في كشكوله فرحت بيه واديته الشكولاته قام حطها في بؤ اللي جنبه

واحدة زعلانة قوي من جوزها علشان شباك الحمام مكسور ومش راضي يصلحه

فبتقول يرضيك حد يشوفني وانا باستحمى؟؟
قالها ياستي اللي هايشوفك هايصلح الشباك بنفسه

ندل ابوه طرده من البيت
وهو طالع كتب على السور ، مقر حركة طالبان

مرة واحد ماشى مع خطيبته واخر انسجام فقالها "عارفة اية هو الحب واية الجواز؟
" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:دى البلاعة اللى واحنا بنبص على النجوم بنقع فيها

واحدة نايمة جنب جوزها فسمعت صوة خروشة على السلم قالت لجوزها الحق ياراجل انا سمعت صوت
خروشة قالها ماتخفيش انتى معاكى راجل شوية وسمعت صوت خروشة على الباب قالت لجوزها رد عليها وقالها ماتخفيش انتى معاكى راجل شوية ودخل حبة حرمية وشلوها من جنبة قامت قالتلة الحق ياراجل دول حايخدونى قام رد عليها وقالها ماتخفيش انتى سايبة مكانك فى البيت راجل

كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش و**رلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه

مرة مذيع راح يسأل واحد فلاح فاز بمسابقة اكبر انتاج لكمية اللبن للبقر سنويا لكل المزارع فسألو المذيع
السؤال الأول:ايه اللي انت بتأكلو للبقر فرد الفلاح:انهو واحدة البيضة ولا الحمرا فقالوا المذيع البيضا فرد الفلاح:البيضا بأكلها برسيم فقالو والحمرا قالو بردو برسيم فقالو:طيب انت بتعملهم نشاطات ايه في اليوم قالو البيضا و لا الحمرا قالوا لا البيضا فقالوا البيضا بمشيها عالترعة كل يوم قالوا طب و الحمرا قالوا كمان عالترعة كل يوم
فلما زهق المذيع قام قاله كل ما اسألك سؤال ترد وتقول انهي واحدة وفي الاخر يطلع نفس الجواب قام الفلاح قالوا:اصل البيضا بتعتي قام قالو والحمرا؟؟؟؟؟؟؟؟؟؟؟؟ قالوا كمان بتعتي

كفايه عليكو كده النهارده

حلوه فكرة الموضوع ده شكرا يا زالابيا

مره واحد سواق تاكسي
داس علي البنزين مات

واحد وقع في حفرة حدفوله حبل طلع مشنوق .

- واحده بتقول لجوزها عمرك ماقلتلى كلمه تحسسني إن أنا مرآتك؟ قالها إنتي طالق .

- بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .

- 2 بلدياتنا بيلعبوا شطرنج فواحد بيقول للثاني أنا قتلتلك الحصان

الثاني قاله طب ثانيه واحدة ... لما رجع قاله وأنا سممتلك كل بهايمك

- مسطول قطع رأس أخوه وهو نايم وقعد يضحك ويقول: هيتجنن لما يصحى وميلقهاش !!

- ولد بيسأل أبوه: هي الحمير بتتجوز؟؟ قاله: يا بني مبيتجوزش أصلاً غير الحمير .

- واحدة سودة قوي ركبها عفريت حاولوا يطلعوه قالهم: نفسي أطلع بس مش شايف .

- قال صديق لصديقه:- هل تصدق أن زوجتي جثت على ركبتها من أجلي أمس.

الصديق:- حقاً وماذا قالت لك.

أجاب:- أخرج من تحت السرير يا جبان!.

ريفي بيسألوه الأجازة اخبارها ايه في اندونيسيا قال من كثرة مزارعها يبقي نفسك تكون خروف

بجد شوية نكت تجنن هقولكم واحدة يارب تعجبكم مرة واحد عصبى اوى اوى ماشى فى الشارع حصله موقف غريب اوى رجع لمراته البيت قالها هقولك على موقف غريب اوى حصلى النهاردة بس اناعارف انك مش هتصدقينى وهتقولى عليا كداب اهوانت اللى كدابه انت واهلك روووحى وانت طالق بالتلاتة

هههههههههههههههههههههه

يجننو بجد وحلوة قوى يا سنسن

خدو دوول

2 مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.

واحد غبي راح يخطب الأب قاله البنت لسه فى المدرسة رد عليه الغبي وقاله يعنى أجيلها بالليل.

واحد ميكانيكي فتح مصنع شيكولاتة سماه كالاكسى.

سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب.

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.

واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت.
__________________

بصراحه نكت تسنيم ورشروشه
وقفو قلبى من الضحك
خدو دول على المسا
-------------------------
نمله أتجوزت فيل
لما مات قعدت تدفن فيه طول حياتها

مره واحد متخانق مع مراته

وهما ماشين بالعربيه مروا علي مزرعة ابقار

قالها يقربولك دول؟؟
قالت له :ايوه.... اهل جوزي

ومره واحد مسطول بيقول لصاحبه بالي مشغول

قاله صاحبه :يمكن حد رافع السماعه

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

مرة في 3 بخلاء راحو يتبرعو لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه

أى خدمه

ههههههههههههههههههههه
بجد نكت جامدين اووووى

حسنى مبارك بيخاطب فى الشعب فكل شوية واحد يقوم يقول
عاش حسنى مبارك موحد الاديان ويقعد
يروح حسنى مكمل كلامة وشوية ويقوم الراجل
ويقول عاش حسنى مبارك موحد الاديان
فاتمسك امن دولة وطاااااااااخويقولولة اية اللى انت بتقولة دا
ازاى موحد الادياندى مصر فيها مسيحيين ويهود ومسلمين طااااااااااااااااخ
فرد عليهم :ياباشا ماهوة اللى مكفرنا كلنا

قال المدرس لتلميذة وهو يعاقبة على خطأ : انا باضربك عشان بحبك.
الطالب:من المؤسف ان انا مقدرش ابادلك نفس الشعور.

بيقولك واحد تانى لقى الفانوس السحرى ودعكة طلعلة العفريت
وقالة شبيك لبيك تطلب اية؟
قالة الراجل:انا عايز كوبرى بين القاهرة واسوان
العفريت قالة:دى صعبة قوى...نقى حاجة تانية
الراجل قالة:خلاص خلى حسنى مبارك يسيب الحكم
العفريت قالة:انت عايز الكوبرى رايح ولا رايح جاى

مبارك فى سرير المرض حينما يلقى بوصاياة الاخيرة: لوزيرة نظيف
وصيتك الحكم من بعدى يا احمد
فى رقبتى ياريس..كلة تمام والسلطة هياخدها جمال
ثم راح فى غيبوبة..افاق منها بعد قليل
وصيتك الشعب من بعدى يا احمد
ماتخفش يا ريس :الشعب ياكل الزلط
ثم راح فى غيبوبة افاق منها بعد قليل
احمد ............نعم يا ريس
متنساش ...........توكيل الزلط لجمال

برغوت قال لبرغوتة بعد اما طلعوا من السينما:حبيبتى تحبى نتمشى ولا نركبلنا كلب؟

مرة واحد غبى شاف بنت حلوة معدية من الشارع حب يتعرف عليها
قال لها: اسمك اية يا حلوة
ردت علية وقالت:انا اسمى تلاقية فى حدائق الزهور والمتنزهات
رد عليها: وقالها اسمك خرطوم مية

هههههههههههههههههههههههههههههههههههههههه
نكتك احلى يا زلابيه
بس هيحبسونا
----------------------------

واحد مسطول راجع البيت كل مايحاول يفتح الباب يترنح ، ويترنح ابنه بص له من الشباك وقال له بابا أحدف لك المفتاح أبوه قاله المفتاح معايا ياواد احدف خرم الباب
مره اتنين مساطيل مشين فلقوا واحد مرمى على الارض فالمسطول الاول بيقول للمسطول التانى مش ده طارق قال له اه قاله مش ده بيته قاله اه قاله طب بينا نطلعه قاله ماشى فالاول بيقول للتانى مش دى شقته قاله اه قاله مش دى أوضته قاله اه قاله طيب ارمى وبعدين نزلوا تانى فلقوه برده مرمى فالاول قال للتانى مش ده طارق قاله اه قاله مش احنا طلعنا قاله اه قاله طب بينا نطلعه قال له بينا فسالوا البواب مش ده طارق قال لهم اه فخدوه معاهم البواب فقالوا مش دى شقته قالهم اه مش دى أوضته قال لهم لا دى البالكونه .

مرة واحد احول حس بالبرد وهو نايم فقام غطي اخوه

مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له: بتعمل ايه؟ رد عليه: اصلى لقيت مكتوب شقة للايجار قمت قعدت اخبط بس محدش رد علىّ، قام التانى قال له: غريبة مع ان الجماعة منورين النور فوق

واحد مسطول دماغه لفت قابلها من الناحية التانية

واحد بيسأل صاحبه هو أيه الفرق بين تجارة الحشيش وتجارة عين شمس؟
قام صاحبه قال تجارة عين شمس 4 سنين انما تجارة الحشيش أقلها 25 سنة.

صعيدي اول مرة يروح لمدينة القاهرة . دخل حمام وكانت اول مره سحب السيفون وهومايعرفوش و . شاف الميه نازله بقوة وبسرعه خاف وجرى. ركب اول قطار وراح للصعيد . شافه واحد من اصحابه قال له ازيك وازي مصر قال زمانها غرقت

مسطول مزور ورقة بنكنوت انما 10/10 مع ذلك مسكوه ياترى ليه؟
عشان كان مزور ورقة بستين جنيه

واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي

مره واحد ابنه طلع من الاوائل شفروه

اخواتى الاعزاء جدااااااااااا
طلب صغير ارجو منكم ان تنفذوه بلاش لو سمحتو ياجماعه نكت على الصعايده وده طبيعى احتراما لاخواتنا الصعايده وبصراحه انا معرفش نكت انا بضحك بس

ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى .

الملاك البرئ

بجد نكت جميلة قوى
مرة واحد بيعاكس واحدة وماشى وراها بيقول لها الحلوة وراها ايه ؟وراها مشوار

قالت له لا الحلوة وراها حمار؟

واحد بيعاكس واحدة سمراء
بيقول لها "اموت فى البيبسى"
تفت عليه قال لها وكمان بتفورى

Money can buy...
House but not Home...
Bed not Sleep...
Medicine not health...
MONEY-IS-DIRTY
It only causes pains and sufferings
SO SEND ME UR MONEY AND BE HA PPY

هههههههههههههههههههه

جميله قوى يا دكتوره

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه
يااااارب، حط ايده في جيبه لاقاه مخروم رجع يدور عليها لتكون وقعت

مرة واحد راح يخطب واحده، باباها قال له بس البنت لسة بتدرس، قال له خلاص اجلها في
الفسحه

مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد
من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد
.. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري
غـسـل وشه ورجــع للـسـريـر يـكـمـل الـعـد

رشروشه كتب:: واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد
من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد
.. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري
غـسـل وشه ورجــع للـسـريـر يـكـمـل الـعـد

هههههههههههههههههههههه
ههههههههههههههههههههه
أيه حكايتك مع الأغبيا يا عسليه
بس جامدين أوى بجد
بالذات اللى انا أخترتها دى
هههههههههههههههههههههه

قالو الصعايدة مشو اشتكو للرئيس المصري حسني مبارك

قالو: كل النكت علينا لازم تشوف لنا حل

قال: راح اسألكم سؤالين . موافقين ؟

قالو: موافقين

السؤال الاول : معركة بدر كانت بين مين ومين الي إنتصر فيها ؟

قالو: بين المسلمين والكفار وانتصر فيها المسلمين

السؤال الثاني : مبارة الكأس العام الماضي بين مين ومين ومين أخذ الكاس ؟

قالو : بين الاهلي والزمالك وفاز الزمالك وأخد الكاس

قال واحد : يعني على كدة بيلعب الاهلي والكفار على الثالث والرابع .