المغشش الإلكتروني

سمعتوا عن المغشش الإلكتروني ؟؟؟؟
دة اله حديثة ومشهورة وفي متناول الجميع .
طب عندكوا فكرة عن الاجيال اللي العلماء صنعوها من الالة دية ؟؟؟

أكيد إجاباتكوا لا علشان كدة أنا بقي هعرفكوا علي الجهاز التحفة دة .

بصو بقي
الجهاز يتفهم من اسمه يعني ألة حديثة يستخدمها الطلاب في الغش .

ودية طلع منها 3 اجيال وكل جيل له حكاية

الجيل الاول :
ودة عبارة عن اله حاسبة صغيرة بس فيها زر زيادة مكتوب عليه انتر اول ما تضغط عليه تطلع الاجابة علي الشاشة.
طب ازاي ؟؟؟؟
يعني مثلا الطالب يدخل الامتحان ومعاه الالة دية ويدوس علي رقم 1 وبعد كدة علي انتر تطلع له الاجابة علي الشاشة وهوه ينقل من الشاشة لورقة الاجابة علي طول

بس للاسف الجيل الاول مش نفع مع الطلاب لانه استخدام الاله محدود يعني في امتحانات الرياضيات والفزياء بس. فعملوا الجيل التاني

الجيل الثاني
يدخل الطالب وهوه معاه الجهاز علي شكل مقلمة ( البتاعة اللي بيحط فيها ادواته )وبكدة محدش هيقولوا حاجة ، والمقلمة دية فيها زراير داخلية وقال ايه فيها سماعة .
الطالب يدوس برضة علي 1 وبعدة انتر يطلع صوت بيقول

اجابة السؤال الاول ..............الخ .

طبعا الطالب مش هيوجع دماغه هوه ناقص ، وكمان الصوت مسموع للمراقب .
طب يعملوا اية ؟؟؟؟؟؟

الجيل الثالث

ودة في حجم الشنطة المدرسية اللي بيشيلوا فيها الكتب ، وساعات الكورة علشان بيلعبوا ماتش بعد الامتحان .
ودة بقي سهل خالص الطالب يدخل الورقة من ناحية تطلع ممن الناحية التانية مليانة اجابات ، تقولش الالة كانت شغالة دح في دح طول السنة .

شوفتوا بقي الجهاز الجميل دة
يلا بقي اهو اكسب فيكوا ثواب واعرفكوا
ومتنسوش الحلاوة بعد النتيجة ما تظهر

تحياتي

هههههههههههههههههههههههههههههههههههه
ههههههههههههههههههههههههههههههههههههههه
وانت تبع اى جيل بالظبط بقى
تسلم

ههههههههههههههههه

انا تبع الجيل الرابع اللى لسه فى الطريق
هههههههههه

شكرا لكى جدا ع المرور