الاستئذان فى الخطوبه

حدث بالفعل
اتخطبت نهى لعلاء وبعد الخطوبة
اتفق معاها متعملش حاجة بدون اذنه
ومتخرجش بدون اذنه
وحدث الاَتى

اتصلت نهى بخطيبها بالتليفون
نهى : ايوه يا علاء عامل ايه
علاء : الحمد لله
نهى : ممكن اروح مع ماما عند صاحبتها أصل بنتها اتخطبت وراحين نباركلها
علاء : ماشى يا نهى بس متتأخريش
نهى : حاضر مع السلامة
علاء : الله يسلمك

راحت نهى مع مامتها عند صاحبتها
وهما نازلين من عند صاحبتها
والدة نهى قالتلها : تعالى يا نهى نعدى على خالتك بالمرة مش معقول نكون فى الشارع بتاعها ومنعديش عليها لو خالتك عرفت حتزعل
نهى : طب ثوانى يا ماما
وأخرجت نهى التليفون
نهى : ايوه يا علاء
احنا دلوقتى نزلنا من عند صاحبة ماما
وحنعدى على خالتى بالمرة
علاء : ماشى يا نهى بس متتأخروش
نهى : حاضر مع السلامة
علاء : الله يسلمك

راحت نهى مع مامتها عند خالتها
خالتها قالتلوهم : فى خايطة شاطرة فى الشارع اللى ورانا
وواحدة جاراتى فصلت عندها طقم يجنن

تعالوا نروحلها
والدة نهى يلا بينا
نهى : طب ثوانى وأخرجت الموبايل من الشنطة
ايوه يا علاء
علاء : فى ايه يا نهى
نهى : ماما وخالتى عايزنى أروح معاهم عند الخياطة جنب خالتى بالظبط
علاء : ماشى بس بسرعة عشان متتأخروش
نهى : حاضر مع السلامة
علاء : الله يسلمك

راحت نهى وماماتها وخالتها عند الخياطة
وخروجوا من عندها
وكانوا مروحين
والدة نهى : تعالى يا بنتى عايزة اجيب حاجات من السوبر مار كت
نهى : أخرجت الموبايل
أيوه يا علاء
علاء : ايه يا نهى روحتوا البيت
نهى : لأ لسه حنجيب حاجات من السوبر ماركت وحنروح علطول
علاء : ماشى وكلمينى لما تروحى
نهى : حاضر

روحت نهى
وأول ما دخلت من البابا
جرت ناحية التليفون
ايوه يا علاء
احنا وصلنا البيت
علاء : حمد لله على السلامة
بعد كده مش عايز مشاوير كتير
انتى قولتى راحين لصاحبة مامتك
بس
نهى : حاضر أنا اسفة
علاء : حديها المرة دى
يلا سلام

راحت نهى تانى يوم الشغل
وهى خارجة من الشغل مع زميلاتها
احدى زميلاتها قالت : ما تيجوا ناكل ايس كريم قبل ما نروح
ونلف على المحلات شوية
كلهم وافقوا
أخرجت نهى الموبايل من الشنطة
أيوه يا علاء
علاء : خير يا نهى
نهى : انا حأكل ايس كريم مع اصحابى وحنلف على المحلات
علاء : ايس كريم اه
لف على المحلات لأ
سامعانى
نهى : حاضر

واعتذرت نهى لصديقاتها
واكلت الايس كريم وانصرفت

ما رأيكم فى الاستئذان فى الخطوبة ؟؟؟

معرفش والله يارشا
كل واحد وظروفه بتحكم عليه بقا والشخص الى اتربط بيه
بس اكيد نها الى عودت علاء على كدا
وانا شايفه ان كدا اوفر اوووى اوى

بس بصراحه انا مش عارفه لانى لسه مجربتش ولو حصل وجربت اكيد مش هبقى زى نها خااااااااااالص

ميرسى ياجميل

ههههههههه

هو فى حاجه

لو ده بدافع الحب والخوف عليها اكيد هيكون مقبول وجميل

انما لو بدافع الشك والتدخل وخلاص اكيد هيكون وحش ومرفوض طبعا

ولا ايه رايك؟؟

بجد ميرسي لرايك يا دندن

يانهار زي بعضه
لا طبعا
ده تحكم
فيه حالات اكيد الواحد يستأذن فيها
انما بالشكل ده
اكيد لا