"انتى يا بتاعة التمريض" معاناة استمرت اكثر من عام

ايه رأيكم لو انتم قاعدين فى حالكم فى بيتكم ومش بتتكلموا خالص لنكم بكل بساطة قاعدين بتذاكروا وكمان من اجل زيادة البراءة ماسكين ورقة بسكوت شاى من أم نصف جنيه وبتاكلوها فى أمان الله..........
ثم
فجأة
يطلعلكم صوت من شباك المنور(او المسقط لاختلاف الثقافات) ويقولكم........
"انتى يابتاعة التمريض انتى بتعملى كده علشان انتى عارفة ان انا احسن منك واحترمى نفسك بدل اما اجيبلك حرس الجامعة-خدوا بالكم .. هتجيب حرس الجامعة فى البيت المهم - وهجيبلك اللى من طب وصيدلة ويعرفوكى مقامك"
معلش يا بنات ... الكلام صعب .......بس تخيلى نفسك فى مثل هذا الموقف
وانتى قاعدة فى حالك بتاكلى بسكوتك وبتذاكرى المادة اللى عليكى امتحانها بكرة
تفتكرى ردك هيكون ايه؟
مع العلم ان اللى قالت الكلام دة بنت اكبر منك بحوالى اربع سنين وانتى متعرفيش شكلها اصلاوكمان انتى مكلمتيهاش لا بطريقة مباشرة ولا غير مباشرة ولا لمحتى عليها ولا على غيرها باى حاجة
للعلم كمان دة موقف حقيقى ومازال مستمر
لو عايزين تعرفوا الباقى قولولى اولا ماذا كانت ستكون ردودك عليها؟

[/center]

خير رد على السفيه هو السكوت
و الأحسن اختى حورس أنك تتلاشيها لأنها أصلا غيرانه منك
ولو رديتى بأى كلمه هتتقلب الحكايه للأسوأ لأنها بتجرك لكده
و أحنا ناس محترمين مش بتوع كده
و الأهم من كده أنك تدعيلها ربنا يهديها
لك كل الود
والسلام ختام

شكرا على الكلام الجميل دة
كانك عرفت ما فعلته بالضبط

هههههههههههههههه

يااااااااااااااااه موقف صعب جدا

ويا حبيبتى بمنتهى البراءه بتاكل بسكوت من ابو نص جنيه

ياربى بجد على البراءه

بصى يا حورس بجد انا الحمد لله ماتعرضتش لاى موقف يقلل من شانى كخريجه لكليه التمريض

بس ده مش منى انا وبس انى اجبر اى حد انه يحترمنى ولكن كمان اعتقد ان الحمد لله شكل

الممرضات ونظره المجتمع ليهم اتغيرت تماما وان كان هناك بعض الجهلاء بهذا الامر.....

ما بقى لو كنت فى الموقف ده فانا مع ابو عمار فى الراى هلتمس السكوت وليس لاننى ضعيفه

او ليس عندى ما يجعلها ان تتمنى الموت قبل ان تاتى ولكنها اقل من انى اسيب الماده واكيد كانت طرق بحث نظرا لانها كانت رخمه جدا وارد على البنت دى

شكرا بجد يا سوسو على طرحك للموضوع الرائع ده

ميرسى جدا يا رشا
بس على فكرة الموضوع دة كان السنة اللى فاتت قبل امتحان الانجليزى
وما دفعنى لكتابة الموضوع انها ومش هتصدقى اتصلت فى البيت عندنا وقالت لوالدتى "لمى بنتك وخليها متتكلمش عليا" فكان رد ماما "ايه قلة الادب دى" تروح الانسة المحترمة تقول لماما"انتى اللى ......" وتغلق السماعة فورا...الكلام دة كان امبارح
وكمان قبل كدةليلة امتحان الاحصاء تطلع بصوتها من شباك المنور وتقول"انا احسن منها انا مدرسة جغرافيا مش مدرسة عربى" مع العلم محدش فى العمارة مدرس لغة عربية غير ماما وبابا
تعرفى يا رشا .... ماما قالتلى انها متغاظة ان انا مش بانزل بعقلى لمستواها ومهما اتكلمت مش باعملها تعبيرة
وعلى فكرة يا رشا الحمد لله عمرى ما حسيت ان انا اقل من حد ابدا ودايما بافتخر ان انا بتاعة التمريض

يا سارة الله يرحم العند اللى بتشغليه عليها برضه و بلاش نتكلم

أهااااااااااااااااااااااااا
فعلا المفروض الواحد يسمع من الطرفين
أكيد بتغظيها يا حورس